Напаѓачот на Ливерпул, Мохамед Салах, серизно размислува да се повлече од репрезентацијата на Египет по неуспехот за пласман на Светското првенство во Катар. Селекцијата на Сенегал на пенали ги елиминираше Египќаните, а два месеци претходно го победи и во финалето на Африканскиот куп на нации.
Фудбалската федерација на Египет по натпреварот вложи жалба до ФИФА и побара да се повтори реваншот со Сенегал, бидејќи навивачите на Сенегал со ласери ги попречуваа Салах и соиграчите при изведувањето на пеналите.
