Марко Асенсио го одбил трансферот во Фенербахче и во моментов Милан води преговори за негов ангажман. 29-годишниот Шпанец ги мина последните шест месеци како позајмен играч во Астон Вила, а договорот со ПСЖ му трае до јуни 2026 година.
Фенербахче испратил понуда од 15 милиони евра до францускиот клуб, вклучувајќи бонуси поврзани со неговите настапи, но според „Л’Екип“, Асенсио не бил задоволен од идејата да премине во турската Суперлига.
Поради тоа, тој одложува и чека да види какви други опции ќе се појават. Засега, како алтернативи се споменуваат Милан и Вилјареал.
