Фудбалерот на Баерн Минхен, Алфонсо Дејвис повеќе нема проблеми со срцето и се надева дека ќе се врати на теренот следниот месец, откако целосно се опорави од коронавирусот, соопшти баварскиот клуб.
Канадскиот фудбалер е надвор од терените од декември. Во јануари тој беше позитивен на коронавирусот и му беше дијагностициран миокардитис (воспаление на срцевиот мускул).
„Среќен сум што се вратив и што можам повторно да тренирам. Рехабилитацијата засега оди добро. Немам проблеми со мускулите и срцето, но се уште не сум подготвен 100 отсто”, изјави 21-годишниот фудбалер.
