Дарко Велковски е ново засилување за Зрињски

Македонскиот репрезентативец Дарко Велковски е нов член на актуелниот шампион на Босна и Херцеговина, тимот на Зрињски од Мостар. Иако се поврзуваше со Железничар, дефанзивецот на крајот потпиша за Зрињски.

Стоперот потпиша едногодишен договор со Зрињски, со можност истиот да биде продолжен до 2027 година.

Оваа вест секако е добредојдена и за селекторот Благоја Милевски, имајќи предвид дека Велковски до неодамна беше стандарден репрезентативец, но го загуби статусот поради тоа што подолг период беше без клуб.