Милан се бори за „скудетото“ во Серија А, но раководството на клубот веќе мисли и на следната сезона. „Газета дело спорт“ открива дека „росонерите“ се заинтересирани за двете ѕвезди на Сасуоло, Доменико Берарди и Џанлука Скамака.
За овој пакет Паоло Малдини е подготвен да испрати понуда вредна 45 милиони евра. Сасуоло веројатно ќе се обиде да извлече поголема сума, а преговорите меѓу двата клуба ќе се интензивираат во текот на април.
