По дебаклот од Македонија, европскит првак Италија и вторпат ќе пропушти Светско првенство, а италијанските медиуми почнаа да ги бараат „виновниците“. Најмногу настрадаа четворица играчи за кои се тврди дека веќе никогаш не треба да играат за репрезентацијата.
Првиот е Чиро Имобиле. Сметаат дека овој напаѓач кој лесно постигнува над 20 гола во сезоната играјќи за Лацио, не заслужува да игра за репрезентацијата бидејќи во националниот тим не прикажува ниту блиску игри како во својот клуб.
Вториот е Џорџо Кјелини. Велат дека времето му поминало, иако малку се срамат што мораат да го стават на списокот за „стрелање“.
Трет е Андреа Белоти. Во слична ситуација е како и Имобиле.
Четвртиот е Жоао Педро. Овој фудбалер беше доведен од Манчини за да постигнува голови, но не донесе ништо. Италијанските медиуми сметаат дека неговото деби треба да биде и последен настап за Италија.
