Легендата на Челси и на англискиот фудбал, Франк Лампард, се враќа на голема врата во Премиер – лигата. По пауза од една година се враќа на менаџерска позиција во премиерлигашот Евертон и треба да го наследи Рафаел Бенитез на клупата на „карамелите“.
Откако стана јасно дека Вејн Руни нема да ја прифати понудата за враќање на „Гудисон парк“, раководството на Евертон одлучи да му ја даде довербата на Лампард. Тој треба набрзо да биде промовиран на новата функција, а своето деби ќе го има на 8.февруари кога тимот ќе игра против Њукасл.
