Англискиот премиерлигаш Ливерпул ќе се обиде на „Енфилд Роуд“ да го доведе Пауло Дибала. Аргентинецот е цел и на Интер, но „црвените“ сметаат дека ќе го убедат да се нафати на нов предизвик и да дојде во Премиер – лигата.
Пауло Дибала е незадоволен и бара излез од Јувентус, а Ливерпул му ја нуди таа опција. Според информациите од Островот, тој има проблеми во преговорите за продолжување на договорот со италијанскиот клуб со кој е врзан само до крајот на сезоната.
Интер веќе тргна во преговори со неговите агенти, но сега и Јирген Клоп бара од раководството на Ливерпул да се вклучи во трката за одличниот аргентински офанзивец.
