Шпанскиот прволигаш Севилја потврди дека Антони Марсијал ќе игра како позајмен играч во овој тим до крајот на сезоната. Крилниот напаѓач на Манчестер Јунајтед оваа сезона 2021/2022 не добиваше многу шанси во тимот од „Олд Трафорд“ и затоа побара да замине во друга средина.
За Манчестер Јунајтед одигра само осум првенствени натпревари, односно само 210 минути. Тој постигна еден гол. Неговите надежи се дека ќе биде стандарден првотимец во Севилја и дека ќе се наметне за настап во репрезентацијата на Франција на Светското првенство во Катар.
