Шпанскиот стратег Пеп Гвардиола ќе добие понуда да биде селектор на Холандија кога ќе реши да си замине од Манчестер сити. Холандската федерација смета дека тој е вистинскиот наследник на фудбалската идеја на големиот Јохан Кројф, кој воедно беше и негов ментор.
Гвардиола има договор на „Итихад“ до 2023 година, а најави дека можеби еден ден би сакал да стане селектор.
Во моментот селектор на фудбалската репрезентација на Холандија е Луј ван Гал, кој се врати од пензија за да ги предводи Холанѓаните до место на Светското првенство во Катар.
