Еден Азар го постигна победничкиот гол за Реал Мадрид на куп-дуелот против Елче, но тоа и не е пресудно за тој да остане на „Сантијаго Бернабеу“. Тренерот Карло Анчелоти се заложил Белгиецот да остане дел од тимот затоа што верува дека може да ја врати старата препознатлива форма и конечно да заигра во голем стил во „кралскиот клуб“.
„Тој е во нашите планови за следната сезона, тоа можам да го потврдам“, изјави Карло Анчелоти.
Реал Мадрид планира голема реконструкција на тимот по завршувањето на сезоната. Се очекува доаѓање на Килијан Мбапе, но и на Ерлинг Халанд и на Пол Погба.
