Манчестер Јунајтед стигна до 11. победа во Премиер – лигата оваа сезона, а херој на „ѓаволите“ беше Маркус Рашфорд кој го урна Вест Хем во последните мигови од дуелот со погодок за триумф од 1-0. Сега Јунајтед е четртопласиран на табелата и го мина токму Вест Хем, влегувајќи во зоната која обезбедува пласман во Лигата на шампионите.
Њукасл оствари важна победа, совладувајќи го Лидс Јунајтед на гости со 0-1. Џонџо Шелви во 75.минута од дуелот беше стрелец на победничкиот гол за гостинскиот тим.
