Интер за дербито против Милан ќе остане без крилниот напаѓач Хоакин Кореа. Ова стана јасно откако Аргентинецот се повреди на натпреварот против Емполи во Купот на Италија во средата. Се испостави дека ќе отсуствува најмалку две седмици.
„Откако се здоби со повреда на натпреварот со Емполи, Хоакин Кореа во петокот наутро беше подложен на детално скенирање во клиниката во Розано. Прегледите покажаа дека има истегнување од втор степен на левиот бутен мускул. Неговата состојба повторно ќе биде проверена за две недели “, соопшти клубот.
Кореа нема навреме да се опорави за да учествува во дербито со Милан на 6. февруари. 27-годишниот фудбалер има постигнато четири гола на 20 натпревари во сите натпреварувања за Интер.
