Атлетик Билбао го искористи домашниот терен и го елиминира актуелниот освојувач Барселона од Купот на Шпанија. Баскискиот тим славеше со 3-2 по продолженија и се пласира во четвртфиналето од ова натпреварување. Ова е уште еден удар за Чави Хернандез и неговите избраници.
Икер Муниаин во втората минута донесе водство за Атлетик Билбао, но Феран Торес покажа дека е големо засилување за Барселона постигнувајќи прекрасен првенец во 19.минута.
Иниго Мартинез во 86.минута повторно донесе предност за Атлетик Билбао, но Педри ја спаси Барса од пораз во регуларниот тек со голот во 93.минута. Сепак, домаќинот беше упорен и стигна и до трет погодок.
Во 105.минута, Икер Муниаин реализираше пенал и го одведе Атлетик Билбао во следната рунда од ова натпреварување.
