Њукасл, клубот со најбогат сопственик во светот, планира неколку сериозни трансфери до крајот на зимскиот преоден рок. Раководството сака да го засили тимот кој се бори за опстанок во Премиер – лигата.
На Њукасл му се потребни засилувања во сите линии, па се преговара на неколку фронта. Во преден план се Дуван Запата, напаѓачот на Аталанта и Диего Карлос, дефанзивецот на Севилја.
За колумбискиот напаѓач, Њукасл нуди 30 милиони фунти, а исто толку планира да потроши и за бразилскиот стопер од Севилја. Сепак, Аталанта и Севилја сакаат понудите да бидат засилени најмалку до 40 милиони евра за отштета.
