Англискиот премиерлигаш Ливерпул и шпанскиот гигант Реал Мадрид се во трка за фудбалерот за врска Калвин Филипс. Тренерот на „кралевите“, Карло Анчелоти, смета дека Филипс би бил одлично засилување за средниот ред на Реал Мадрид, посебно што Лука Модриќ е веќе ветеран и клубот мора да најде соодветна замена.
Сепак, и Јирген Клоп е сериозно заинтересиран за ангажман на играчот на Лидс Јунајтед. Медиумите на Островот откриваат дека Ливерпул има план да понуди 35 милиони фунти за играчот од „Иланд Роуд“.
