Македонскиот прволигаш Брегалница одлета за Анталија каде ќе ја реализира главната фаза од зимските подготовки во пресрет на пролетниот дел од првенството во Првата фудбалска лига.
Штипските „сини“ ќе останат во турскиот туристички центар до 30. јануари. Првиот тест ќе биде против Кубан Краснодар на 17. јануари, седум дена подоцна ривал ќе биде Зира од Азербејџан, а третиот меч е против казахстанскиот Аксу на 27. јануари.
По враќањето во Штип, генералката пред стартот на пролетниот дел од Првата македонска фудбалска лига ќе биде на 6. февруари во Штип против бугарскиот второлигаш Септември Симитли.
