Пари Сен Жермен во следниот период ќе биде ослабен со неиграњето на Џорџинио Вајналдум. Холанѓанецот ќе биде надвор од терените најмалку три недели, потврди клубот.
Тој се повреди на натпреварот против Брест и беше заменет на полувремето.
Годинешното засилување на парижаните го повреди скочниот зглоб на левата нога и ќе мора да паузира. Ова секако не е добра вест за „светците“ со оглед дека Вајналдум од неодамна е дел од стартниот состав на Маурисио Покетино.
Холандскиот фудбалер оваа сезона забележа 25 настапи, постигна три гола и забележа две асистенции.
