Лидерот на табелата во Втората лига Запад, тимот на Силекс, означи старт на зимските подготовки. Во Кратово, тренерот Горазд Михајлов ја изврши првата прозива, а потоа фудбалерите го одработија и првиот тренинг.
Силекс првата фаза од подготовките ќе ја реализира во Кратово, а од од 27. јануари до 9. февруари ќе замине во Анталија каде ќе одигра пет пријателски натпревари. Познати се и противниците, Металац (Србија), Торпедо Москва (Русија), Монтана (Бугарија), Мариупол (Украина) и Рапид Виена (Австрија).
