Лидерот на табелата, тимот на Шкупи, потпиша договор со фудбалерот за врска од Гана, Патрик Менсах. 20-годишниот играч во наредните три години ќе остане на Чаир, а доаѓа од тимот на Heart of Lions од Гана.
„Посебно е чувството што потпишав со клуб како Шкупи. Слушнав многу убави работи за овој клуб и за навивачите и исклучително сум среќен што сум тука. Тука сум да му помогнам на Шкупи да ги оствари своите цели“, изјави Патрик Менсах.
Тој е второто засилување за Шкупи во јануарскиот преоден рок.
