Македонскиот репрезентативец Столе Димитриевски е желба на Барселона, контактите се остварени, но за реализација на евентуалниот трансфер мора да се исполнат неколку услови. Пред се, да се расчисти голманскиот „простор“ околу Тер Штеген.
Останувањето на Германецот е проектирано барем до крајот на сезоната, а Барселона ја разгледува можноста да го продаде вториот голман Нето и да го позајми третиот, Пења.
Откупната клазула на Димитриевски изнесува 6 милиони евра и Барселона ќе ја активира ако се најде нова средина за Нето. Рајо Ваљекано нема намера да го продава македонскиот голман, туку Барселона ќе треба да ја активира клаузулата.
