Поранешниот младински репрезентативец Димитар Митровски ќе се обиде да ја реактивира својата кариера во Академија Пандев. Некогашниот голем талент кој настапуваше за Б-тимот на Спортинг Лисабон, остана без ангажман и се онбиде на неколку проби, во Партизан и во Варта Познањ, тренираше и со Работнички, а на крајот заврши во Академија Пандев.
Митровски има стаж во сите младински репрезентации на Македонија, а освен во Спортинг Лисабон, претходно беше дел и од Ханза Рошток, Магдебург и Работнички. Крилниот напаѓач допрва треба да се докаже во сениорскиот фудбал на македонска сцена.
