Македонскиот прволигаш Академија Пандев го ангажираше првото засилување во зимскиот преоден рок. Напаѓачот Пепи Ѓоргиев кој во првиот дел од сезоната настапуваше во Албанија и го носеше дресот на Теута, потпиша договор со „пандевци“.
Тој треба да биде замена за најдобриот стрелец во македонскиот шампионат Мартин Мирчевски, кој најавува заминување во странство.
Академија Пандев во наредните неколку дена ќе треба да пронајде ново решение за тренерската позиција откако Александар Васоски се договори да го преземе кормилото на босанскиот прволигаш Сараево.
