Младинскиот репрезентативец Али Адем многу веројатно ќе продолжи да го носи дресот на Шкупи и во пролетниот дел од шампионатот. Тој е фудбалер на грчкиот Арис кој во есенската полусезона настапуваше во дресот на Шкупи како позајмен играч. Првичниот договор имаше важност шест месеци, но раководството на Шкупи побара да го има Али Адем до крајот на првенството. Грчкиот клуб ќе излезе во пресрет на барањето на Шкупи.
Лидерот на табелата во Првата лига ќе ги стартува зимските подготовки в среда, на 5. јануари, а десет дена подоцна ќе замине во Анталија каде ќе ја реализира главната фаза од подготовките.
