Поранешниот бразилски напаѓач, а сега претседател на Крузеиро, Роналдо Назарио да Лима, се заразил со коронавирус, објави официјалниот клупски твитер.
Затоа, тој нема да може да учествува на претстојните настани на тимот, кои се посветени на годишнината од неговото основање. Денес Крузеиро слави 101 година постоење.
Роналдо се чувствува добро и има благи симптоми на болеста. Тој веќе е во самоизолација.
Роналдо е двократен светски шампион и двократен освојувач на Копа Америка со репрезентацијата на Бразил.
