Македонскиот прволигаш Струга Трим Лум го доведе првото засилување во зимскиот преоден рок. Нов фудбалер на стружани е Дарко Илиески, дефанзивецот кој беше член на словенечкиот Копер и одлучи да се врати во македонскиот фудбал.
Илиески стави потпис на едногодишен договор со Струга Трим Лум и треба да биде засилување за одбранбениот дел од тимот на тренерот Срѓан Захариевски. Празнината се појави по заминувањето на Јасмин Мециновиќ кој замина на печалба во Бангладеш.
Илиески во кариерата играше и за Пелистер, Борец, Тиквеш, Победа, Металург, 11 Октомври и ерменскиот Ширак.
