Роналдо Луис Назарио де Лима за многумина и понатаму е најдобриот фудбалер на сите времиња. Легендарниот Бразилец ги одбележа деведесеттите години на фудбалски план, а без неколку тешки повреди можеше да има многу поголема кариера.
Роналдо двапати беше светски шампион со Бразил (1994 и 2002 година), а го носеше дресот на Милан, Интер, Барселона, Реал …
„Феноменот“ доби новинарско прашање кој е најдобриот играч на сите времиња, според него. Бразилецот не можеше да се одлучи само за еден, па избра четворица.
„Ако ме прашувате мене, четворицата најдобри играчи во историјата се Пеле, Марадона, Лионел Меси и Кристијано Роналдо“, рече Роналдо.
