Единсон Кавани побара раскин на договорот со Манчестер Јунајтед. Уругваецот има договор до 30 јуни, го бара Барселона, но прво треба да го раскине договорот со Јунајтед за да дојде без обештетување.
Каталонците веќе го завршија Феран Торес, кој ќе му биде конкуренција на Осман Дембеле, иако се споменува дека Чави во него гледа „деветка“. Доколку дојде Кавани, би бил конкуренција на Мемфис Депај.
Кавани би потпишал договор на година и пол, а подготвен е и за помали примања за да ја заврши европската кариера во голем стил по Палермо, Наполи, Пари Сен Жермен и Манчестер Јунајтед.
Кавани е подготвен да биде и во ротацијата, но верува дека подобро би се снашол во Барселона отколку во Премиер – лигата.
