Есенскиот првак Шкупи се раздели со левиот бек Фисник Зука. Како што информира клубот од Чаир, на барање на фудбалерот е постигнат спогодбен раскин на договорот.
„По завршувањето на првата полусезона од Првата фудбалска лига, со желба и барање на играчот, Шкупи ја раскинува соработката со дефанзивецот Фисник Зука, му се заблагодарува за придонесот во нашиот тим и му посакува здравје и многу успеси во кариерата“, се вели во соопштението на Шкупи.
Фисник Зука претходно играше за Работнички, а минатото лето се врати на Чаир. Сега повторно ќе бара нов предизвик.
