Капитенот на Наполи, Лоренцо Инсиње, следната сезона би можел да се пресели во МЛС – лигата. Италијанските медиуми тврдат дека агентот на Инсиње добил примамлива понуда од канадскиот тим Торонто.
Договорот на Инсиње истекува на крајот од сезоната, а Торонто сака да го доведе како слободен агент.
Канаѓаните му понудиле на Инсиње тригодишен договор со плата од 8 милиони евра годишно што е многу повеќе од заработката што сега ја има во Наполи.
За Инсиње се интересираат и италијанскиот првак Интер и англискиот премиерлигаш Њукасл.
