Реал Мадрид имаше голем „кикс“ во борбата за титулата без Лука Модриќ во составот на својот „Бернабеу“ во неделата. Против Кадиз ја прекина серијата од десет победи играјќи без голови.
Иако Реал беше надмоќен во текот на целиот натпревар и имаше многу шанси, не можеше да постигне гол. Шпанските медиуми тврдат дека токму Лука Модриќ му недостигаше на Реал за да дојде до нова победа, со која повторно ќе и побегне на Севилја на осум бода разлика.
Модриќ прво беше позитивен на коронавирус минатата недела, а потоа негативен во петокот. Поради замор и температура го пропушти натпреварот против Кадиз.
„Дали ни недостасуваше Модриќ? Лука е многу важен играч за нас, игра фантастично. Имаше проблеми оваа недела… Здравјето е најважно и сите мораме да се бориме со овој вирус“, изјави веднаш по натпреварот, тренерот на Реал, Карло Анчелоти.
Модриќ нема да биде во тимот и утревечер против Атлетик Билбао.
„Лука нема да игра утре. Не е важно дали е позитивен или негативен, не се чувствува добро. Се надевам дека се ќе биде в ред кога ќе се вратиме по празниците“, изјави Анчелоти.
-
Ексклузивна колумна на Филип Лам: Хомогеноста на Шпанија против непредвидливите Германци
Осум селекции сѐ уште остануваат, но сите дваесет и четири нации придонесоа за успехот...
Автор makfudbal
-
(ИН)ДИРЕКТ: Време е за ново „правило“: Ако не минеш две кола во Европа, следните три години „не смееш“ да играш!
Македонските фудбалски туристи се прошетаа низ Европа, добро, низ споредните државички кои се далеку...
Автор Nikola Gjurovski