Филип Гачевски потпиша тригодишен договор со Вардар

Поранешниот капитен Филип Гачевски се врати во Вардар. Како што претходно најави МАКФУДБАЛ, тој се враќа да го засили тимот во обидот за експресен камбек во елитата. Покрај Гачевски, и Дарко Мицевски сигурно се враќа во Вардар, а пред потпис е и Бенјамин Демир.

Гачевски денеска потпиша тригодишен договор со клубот.

„Огромна чест, задоволство и мотив ми претставува враќањето во Вардар. Цврсто верувам во овој нов проект на клубот и доаѓам со цел да помогнам што поскоро да се вратиме на местото кое ни припаѓа, во самиот врв на Македонскиот фудбал. Посебна благодарност до управата на клубот, до сопственикот Слободан Крстевски и спортскиот директор Александар Бајевски со кои лесно најдовме заеднички јазик, цели и амбиции. Со нетрпение го очекувам продолжетокот на првенството повторно да заиграм пред пред најдобрите навивачи Комити.”, изјави Филип Гачевски.

Тој откако замина од Вардар се пресели во кипарскиот клуб Енозис, а по една и пол година ќе се врати во „црвено-црните“ редови.