Крилниот напаѓач на Шкупи, Матеј Цветаноски, најверојатно го напушта Чаир и кариерата ќе ја продолжи во странство. Тој разгледува неколку понуди, но најблиску е до трансфер во бугарскиот прволигаш Левски. Преговорите се во завршна фаза, а се очекува на самиот старт на 2022 година Цветаноски да стави потпис на договорот.
Во Левски настапува македонскиот репрезентативец Ѓоко Зајков кој пристигна минатото лето и засега остава одличен впечаток, а своевремено длабок белег во клубот остави и Дарко Тасевски.
