Струга Трим Лум оствари минимален триумф (1-0) над Ренова во последниот меч од есенската полусезона во Првата фудбалска лига на Македонија. Во последните мигови од дуелот, Дејан Цветаноски го постигна победничкиот гол за стружани на натпреварот. Тој одлично реагираше во шеснаесетникот и со удар со глава ја затресе мрежата на гостите.
Ренова од 64.минута играше со фудбалер помалку поради исклучувањето на Медин Бајрами.
По овој триумф, Струга ТЛ ќе презими на седмата позиција со 26 бода, а Ренова со еден бод повеќе се наоѓа на петтото место.
