Лестер загуби од Наполи со 3-2 и не успеа да обезбеди пласман во нокаут фазата од Лигата на Европа. „Лисиците“ напролет ќе се префрлат во третото по ранг европско натпреварување, Конференциската лига на УЕФА.
Менаџерот Брендан Роџерс вели дека не ни знае какво натпреварување е Конференциската лига.
„Да бидам искрен, не ни знам какво натпреварување е тоа. Бев фокусиран на Лига Европа и на освојување на групата. Но, не успеавме, имавме сериозни проблеми со играчкиот кадар. Очекував дека во најмала рака ќе ја освоиме втората позиција. Сепак, сега сме во Конференциската лига и навистина не знам какво е тоа натпреварување иако секако ја има почитта за него“, изјави Брендан Роџерс.
