Актуелниот првак Шкендија информираше дека поднел жалба до Фудбалската федерација на Македонија за арбитражата на Дејан Јакимовски на дербито против Шкупи.
Приговорот е приложен и со видео доказ кој, според Шкендија, докажува за селективноста и тенденциозноста на судијата Јакимовски.
„Некои од сомнителните случаи може да се видат во видео доказите, а издвојуваме два случаи, велат од Шкендија.
Судијата Јакимовски неправедно и без никаква причина, но тенденциозно го казни со црвен картон претставникот на Шкендија. Во моментите на казнување со црвен картон, Јакимовски со навредливи зборови го навредуваше нашиот клупски претставник.
Во 93. минута капитенот Егзон Бејтулаи беше неуспешно сопрен, со крајно некоректен и неспортски гест од фудбалерот со број 10, Алварез. Сметаме дека Јакимовски во овој случај мораше да покаже црвен картон за противничкиот играч.
