Ѕвездата на Пари Сен Жермен, Килијан Мбапе, би можел да потпише со Реал Мадрид и порано од очекуваното, пишува „Марка“. Флорентино Перез планиратој да биде божиќен подарок за фановите на „кралскиот клуб“.
На крајот од сезоната на Мбапе му истекува договорот со парижаните, а клубот се обидува на сите начини да го задржи на „Паркот на принцовите“. Сепак, се чини дека сите нивни обиди се залудни.
Килијан Мбапе може да преговара со други клубови и да потпише преддоговор во јануари, кој потоа би бил официјализирал во јуни кога ќе стане слободен агент.
Реал Мадрид не сака да чека ни миг и ќе му понуди договор уште на самиот старт од 2022 година. Како што стојат работите, преговорите меѓу Реал и Мбапе одат во добра насока, а Французинот во јануари треба да потпише преддоговор и да ги реши сите дилеми околу својата иднина.
