Тренерот на Барселона, Чави Хернандез, на крајот мораше да се помири со фактот дека неговиот тим напролет ќе игра во Лига Европа. Тоа е реалноста за овој тим на каталонците, потенцира каталонскиот предводник и најави дека ова е почеток на нова ера и враќање на славните денови.
Барселона по 21 година нема да игра во нокаут фазата од Лигата на шампионите.
„Не би го користел зборот дебакл затоа што не е соодветен. Секој што се труди, не може да доживее дебакл. Но, Баерн Минхен беше многу подобар, супериорен. Се обидовме да ги притиснеме високо, да им ја одземеме топката, но не можевме ништо да сториме. Им кажав на играчите дека сега почнуваме нова ера и дека мора да работиме напорно не само да се вратиме во ЛШ, туку и да го освоиме пехарот. За жал, реалноста во моментот е дека Барселона е тим за Лига Европа. Ситуацијата е болна, но мора да ја прифатиме и да работиме за да ја вратиме Барселона на славните патеки“, изјави Чави.
