По Тотенхем, уште еден англиски премиерлигаш е зафатен со епидемија од коронавирусот. Седум фудбалери на Лестер не отпатуваа во Италија на натпреварот од Лигата на Европа против Наполи поради позитивни тестови на Ковид-19, изјави менаџерот Брендон Роџерс.
„Имавме неколку позитивни (на коронавирусот) случаи, некои главно не се чувствуваат добро, така што не ризикувавме“, изјави Роџерс.
Во пресрет на последното коло Лестер води во групата со осум бодови, Спартак Москва и Наполи имаат по седум бода, а Легија Варшава има шест. Така, во оваа група сите тимови имаат шанса да продолжат натаму и до првото место, освен Легија која не може да биде првопласирана.
Лестер е единствениот кој има обезбедена „европска пролет“.
