Втора лига Исток: Слога Виница го чува врвот против Детонит

Слога Виница оствари важен триумф на гости против Победа во изминатото коло, но сега избраниците на тренерот Никола Кузманов ќе треба да ја потврдат добрата форма и на денешниот меч на домашен терен против Детонит јуниор. Во спротивно, ќе им дозволат на конкурентите Победа и Каменица Саса да се доближат во финишот на есенскиот дел од шампионатот.

Каменица Саса на домашен терен ја пречекува Беласица во неизвесен натпревар, додека Победа му гостува на Осогово.

Братство во ова вонредно 14.коло е домаќин на Локомотива, додека Кожуф ќе го пречека составот на Кит Го.
Натпреварите започнуваат во 13 часот.