Шкупи подготвува шампањ за прослава на есенската титула откако успеа да го совлада Скопје на Автокоманда, но тренерот Гоце Седлоски нема да дозволи прослава додека не помине и дербито против Шкендија в среда на Чаир. Тетовци нанижаа уште една победа иако се намачија во дуелот со последнопласираниот Пелистер.
Академија Пандев не успеа да го следи чекорот и ремизираше против Брегалница, а немаше голови уште на два други меча од прволигашката конкуренција. Тиквеш издржа во Струга, а Борец освои бод против Македонија ЃП. И Работнички ја прекина негативната серија.
МАКФУДБАЛ го издвои најдобриот тим за 16.коло во Првата фудбалска лига. Го предводи стратегот на Шкупи, Гоце Седлоски.
МАКФУДБАЛ ТИМ НА 16.КОЛО ВО ПРВАТА ЛИГА!
- РИСТЕ ЈАНКОВ (РАБОТНИЧКИ)
- ФАУСТИН СЕНГОР (ШКУПИ)
- ЈАН КРИВАК (ШКЕНДИЈА)
- ЈОВАН МАНЕВ (БРЕГАЛНИЦА)
- Л. СТАНКОВСКИ (РАБОТНИЧКИ)
- ФРЕДИ АЛВАРЕЗ (ШКУПИ)
- АДЕНИС ШАЛА (ШКЕНДИЈА)
- ВИКТОР НИЛДО ЈУФО (ПЕЛИСТЕР)
- АБУ КАМАРА (МАКЕДОНИЈА ЃП)
- СИНДРИТ ГУРИ (ШКЕНДИЈА)
- КРСТА ЃОРЃЕВИЌ (БОРЕЦ)
ТРЕНЕР НА КОЛОТО: ГОЦЕ СЕДЛОСКИ
