Карим Бензема не е посериозно повреден. Од „Сантијаго Бернабеу“ доаѓаат охрабрувачки вести дека францускиот ас нема да отсуствува долго од терените, напротив, би можел да игра уште на мечот против Интер во Лигата на шампионите.
Сепак, многу поверојатно е дека ќе биде поштеден и сочуван за градското дерби против Атлетико Мадрид во Ла Лига.
Бензема оваа сезона во Лигата на шампиони постигна пет гола и една асистенција, додека во Ла Лига запиша 12 голови и 11 асистенции, тој е прв стрелец во лигата.
