Шкендија ги стартуваше зимските подготовки. Фудбалерите на актуелниот првак денеска се појавија во базата на првата прозивка кај тренерот Ернест Ѓока. Од утре треба да започнат и со тренинзите. Првата фаза од подготовките е планирано да се одработи во Тетово, а потоа Шкендија ќе замине и на подготовки во турскиот туристички центар Анталија.
Покрај староседелците предводени од Агим Ибраими и Бесарт Ибраими, ново име е Валон Ахмеди кој пристигна во тетовскиот тим во овој преоден рок и веднаш се приклучува во работата со тимот.
