Нуно Еспирито Санто доби отказ во Тотенхем, а италијанскиот стратег Антонио Конте се наведува како прв фаворит за негов наследник. Поранешниот тренер на Челси, Јувентус и Интер, како и селекторот на Италија, наводно е веќе на пат за Лондон каде треба да се сретне со челниците на лондонскиот клуб за да потпише договор.
Тотенхем во саботата на домашен терен загуби од Манчестер Јунајтед со 0-3 и сега има дури десет бода помалку од лидерот Челси. Тоа му пресуди на Нуно Еспирито Санто кој дојде пред само четири месеци.
Италијанскиот стручњак веќе соработуваше со актуелниот директор на Тотенхем, Фабио Паратичи, во редовите на Јувентус. Ова може многу да ги олесни преговорите. Конте бара план за следниот преоден рок, како и долгорочен договор.
