Францускиот гигант Пари Сен Жермен размислува за раскин на договорот со шпанската ѕвезда Серхио Рамос. Тој се уште нема дебитирано во дресот на парискиот клуб поради повредите кои го мачат од стартот на летото кога и пристигна од редовите на Реал Мадрид.
Шпанецот како слободен агент пристигна во Париз во текот на летото, а навивачите чекаат три месеци тој да се опорави од повредите и да заигра.
Францускиот весник „Ле Паризиен“ открива дека во ПСЖ веќе размислуваат и за прекин на соработката. Рамос е квалитетен фудбалер, но неговата здравствена состојба е апсолутно неизвесна. Тренерот Маурисио Покетино сепак инсистира да има уште еден дефанзивец на кој ќе може да смета во обидот за освојување на титулите во Франција и во Лигата на шампионите.
