Фудбалерот од средниот ред на Баерн, Томас Милер им се извини на навивачите за катастрофалниот пораз од Борусија Менхенгладбах. Баварците синоќа на гостувањето во Менхенгладбах загубија со 5-0 во 1/16-финалето на Купот на Германија.
„Ништо не ни одеше. Не успеавме да го запалиме нашиот мотор. Останува само да им се извиниме на нашите навивачи. Со исклучок на Нојер, сите одиграа лошо. Ова никогаш не ми се случило. Треба да го оставиме овој пораз зад нас, затоа што треба да играме првенствен натпревар в сабота, изјави Милер за официјалниот сајт на Баерн Минхен.
Поразот од Борусија Менхенгладбах е прв за Баерн Минхен по 43 години со пет или повеќе голови разлика.
