Рајо Валјекано го продолжи силниот почеток на новата сезона победувајќи го Елче со 2-1 на стадионот “Валекас” попладнево. Лукас Боје ги доведе гостите во водство во 14. минута откако продре во одбраната на Рајо и со неговиот удар го измами македонскиот репрезентативен голман, Димитриевски, на кого топката му мина низ рацете.
Рајо израмни преку Марио Ернандез 12 минути подоцна. Погодокот за три бода на домаќините, го постигна Ренди Нтека во 65. минута. Благодарение на овој триумф, Рајо Валјекано моментално се наоѓа на четвртата позиција, која води во Лигата на шампионите следната сезона.
