
Македонскиот интернационалец Иван Тричковски го продолжи договорот со кипарскиот прволигаш АЕК Ларнака. Тој ќе остане дел од тимот до 2024 година.
Најдобриот клупски стрелец и капитен, со задоволство прифати продолжување на соработката.
„Покажавме повторно и повторно доверба и почит во нашите релации и јас сум многу, многу горд, привилегиран и ми претставува голема чест да останам тука до 2024 година. Тоа беше посебен и единствен момент за мене и за тимот, бидејќи би рекол дека немаше формални преговори. Тоа беше само отворена и искрена дискусија за сегашноста и иднината. Беше многу лесно да се постигне договор. Му се заблагодарувам на претседателот и на другите членови на одборот на АЕК Ларнака“, изјави Иван Тричковски за официјалниот сајт на клубот.
Тој го носи дресот на АЕК Ларнака од јануари 2016 година и досега постигна вкупно 119 голови (89 во лигата, 10 во Купот, 20 во Европа), бројки што го сместуваат на врвот на листата на стрелци во клупската историја, но и на сите кипарски тимови во европските натпреварувања.

-
МАКФУДБАЛ ТИМ НА КОЛОТО ВО ПРВАТА ЛИГА
Струга Трим Лум оствари важен триумф против Работнички на Националната арена „Тодор Проески“ и...
Автор makfudbal
-
(ИН)ДИРЕКТ: Јас би ја казнил Шкендија 59 меча да игра без публика!
Трагедијата во Кочани се случи, сигурно дека можеше да се превенира, но со оглед...
Автор Nikola Gjurovski

Евро-фудбал
Киеза има четири понуди да се врати во Серија А
