Клубовите од Премиер – лигата се спротивставија на доаѓањето на нови богати сопственици во Њукасл, сметајќи дека тоа ќе го уништи угледот на шампионатот и ќе има значително влијание врз иднината на фудбалот во оваа земја.
Навивачите на Њукасл славеа пред „Сент Џејмс парк“ во моментот кога беше објавено дека нивниот клуб е преземен од саудиски конзорциум предводен од богатиот шеик Мохамед бин Салман, чие богатство се проценува на околу 350 милијарди долари.
Новите инвестиции се подготвени, амбициите на клубот се да станат светска сила како Пари Сен Жермен и Манчестер Сити во следните пет години. Заштедите на претходната администрација им овозможија да трошат уште во јануари, а следува голема промена во хиерархијата на Премиер – лигата.
Се разбира, Њукасл не е тим што нема историја, ниту ќе биде првпат да се борат за титулата или да ја освојат. Сепак, тие никогаш не биле толку финансиски моќни, всушност, ниту еден клуб во светот не бил досега.
На остатокот од Премиер – лигата не му се допаѓа тоа, па преостанатите 19 клубови побараа итен состанок за да им објасни што се промени во последната година кога лидерите на лигата дозволија купување на Њукасл од страна на Инвестицискиот фонд од Саудиска Арабија, а во 2020 година ја прекинаа таквата трансакција.
Покрај тоа, тие се огорчени затоа што не биле навреме информирани, но пред се се плашат дека тоа ќе го промени концептот на шампионатот и фудбалот воопшто. Њукасл ќе може да им понуди огромни пари на своите играчи, а голем број клубови тоа нема да бидат во можност да ги испратат. Дури и гиганти како Ливерпул, Челси, Манчестер Јунајтед, Сити и Арсенал го мислат истото.
