![](https://makfudbal.mk/wp-content/uploads/2021/03/skendija-so-rabotnicki-2.jpg)
Работнички посакува полуфинале, но ќе има тешка задача да ја елиминира Шкендија во најинтересниот натпревар од четвртфиналето во Купот на Македонија. Првиот меч во Тетово заврши 1-1, а капитенот на „романтичарите“, Горан Силјановски, верува дека тимот е способен да ја продолжи убавата пролетна серија и во Купот.
„Имаме поволен резултат по првиот натпревар, но има уште тешки 90 минути за игра. Подготвени сме, ќе се потрудиме да ја изненадиме Шкендија и да се пласираме во следната рунда“, изјави Горан Силјановски.
Ернест Ѓока ќе ротира дел од фудбалерите, но јасно е дека Шкендија сака да биде дел од четирите најдобри екипи во најмасовното натпреварување.
„Ова е многу значаен меч за нас, Шкендија мора да биде подготвена за сите натпреварувања. Распоредот е згуснат, но верувам дека ќе успееме да ја оствариме целта“, вели тренерот на Шкендија, Ернест Ѓока.
Академија Пандев ќе го пречека Шкупи во „мечот без тренери“. И двата тима останаа без тренери по последното првенствено коло. Југослав Тренчовски замина по ремито со Борец, а Шкупи се раздели со Ќатип Османи по поразот дома од Ренова. Академија Пандев има предност (1-0) по првиот меч на Чаир.
Ренова и Струга ТЛ во Тетово ќе почнат од 0-0, со оглед дека на првиот дуел немаше голови, а Брегалница има еден гол позитива (0-1) пред гостувањето кај Лабуништа.
КУП НА МАКЕДОНИЈА, 1-4-ФИНАЛЕ (РЕВАНШИ) 14 ЧАСОТ
РАБОТНИЧКИ – ШКЕНДИЈА (1-1)
АКАДЕМИЈА ПАНДЕВ – ШКУПИ (1-0)
РЕНОВА – СТРУГА ТЛ (0-0)
ЛАБУНИШТА – БРЕГАЛНИЦА (0-1)
![](https://makfudbal.mk/wp-content/uploads/2021/02/logo.jpg)
-
Ексклузивна колумна на Филип Лам: Хомогеноста на Шпанија против непредвидливите Германци
Осум селекции сѐ уште остануваат, но сите дваесет и четири нации придонесоа за успехот...
Автор makfudbal
-
(ИН)ДИРЕКТ: Време е за ново „правило“: Ако не минеш две кола во Европа, следните три години „не смееш“ да играш!
Македонските фудбалски туристи се прошетаа низ Европа, добро, низ споредните државички кои се далеку...
Автор Nikola Gjurovski
![](https://makfudbal.mk/wp-content/uploads/2024/09/zfk-ljuboten-7-1-80x80.jpg)
Женски фудбал
ЖФК Љуботен со утешна, но и историска победа во ЛШ
![](https://makfudbal.mk/wp-content/uploads/2024/09/kasemiro-junajted-888-80x80.jpg)